व्यावसायिक तरकारी खेतीको लागि वडाका कृषकहरूलाई प्राविधिक ज्ञान एवं तालिमको प्रबन्ध गर्ने, कृषि उपज संकलन केन्द्र तथा हाटबजारको व्यवस्था गर्ने, र युवालाई वडाको विकास निर्माणका योजनाहरूमा संलग्न गराइ रोजगारीको अवसर सिर्जना गर्नु पर्छ ।

अहिले युवाहरू आफ्नो गाउँ टोलको विकास निर्माणमा चासो दिने, स्थानीय तहको बैठकमा योजनाहरू लिएर आउने क्रम बढेको छ।

घरायसी प्रयोजनका निमित्त परालबाट बुनिने चकटी, गुन्द्री, ढक्की आदिको व्यावसायीकरण गर्न सकिए यहाँका महिला दिदीबहिनीहरूको आयआर्जनको स्रोत बन्ने थियो। व्यावसायिक तरकारी खेती गर्ने, तरकारी संकलन तथा बिक्री केन्द्र खोल्ने, मोटर बाटो निर्माण योजना छ ।

वडामा सिँचाइको प्रबन्ध, यातायातको सुविधा, कृषि उपज प्रशोधन र भण्डारणको व्यवस्था, बजारको व्यवस्था भएमा युवालाई कृषि क्षेत्रमा आकर्षित गराउन सकिने छ ।

कोइदिममा रातो माटो र कु-काठ प्रशस्त पाइने भएकोले इँटाभट्टा खोल्न सकिने र युवालाई रोजगारीको अवसर सिर्जना गर्नु पर्ने देखिन्छ ।आधुनिक कृषि प्रविधि भित्र्याउन सके जमिन बाँझो नरहने र युवा जनशक्तिलाई कृषि क्षेत्रमा जोड्न सकिन्छ।